spot_img
-0.2 C
Tbilisi
spot_img
Homeბიზნესიისრაელის უმსხვილეს კომპანიას საქართველოში მზის ელექტროსადგურის აშენება სურს

ისრაელის უმსხვილეს კომპანიას საქართველოში მზის ელექტროსადგურის აშენება სურს

ისრაელის ერთ-ერთი უმსხვილესი ენერგეტიკული კორპორაცია ENER-T საქართველოს ბაზარზე შემოსვლას და მზის ელექტროსადგურის მშენებლობას განიხილავს. ამის თაობაზე კორპორაციის ტოპ-მენეჯმენტის წარმომადგენლებმა საქართველოს ეკონომიკისა და მდგრადი განვითარების მინისტრ ნათია თურნავასთან შეხვედრაზე განაცხადეს. ისრაელის კორპორაციას ხელმძღვანელობდა ENER-T – ის მფლობელი იეჰუდა ჰარაცი.

შეხვედრაზე განხილული იქნა საქართველოს საინვესტიციო კლიმატი და ბიზნესგარემო, ასევე საქართველოს ენერგეტიკულ ბაზარზე არსებული ვითარება, მიმდინარე რეფორმები და ის პოტენციალი, რაც ქვეყანას განახლებადი ენერგიების ათვისების მიმართულებით აქვს. აღინიშნა, რომ საქართველოს მთავრობა მიესალმება უცხოური ინვესტიციების შემოსვლას განახლებადი ენერგეტიკის განვითარების მიზნით.

თავის მხრივ, კორპორაცია ENER-T – ის წარმომადგენლებმა ხაზი გაუსვეს საქართველოს დიდ შესაძლებლობებს პოსტპანდემიურ პერიოდში და აღნიშნეს დაინტერესება, განახორციელონ ინვესტიცია ქვეყნის განახლებად ენერგეტიკაში, კერძოდ კი, მზის ენერგიის ათვისებაში. აღინიშნა, რომ ENER-T მსოფლიოს ერთ-ერთი ლიდერია განახლებადი ენერგიის ათვისების მიმართულებით და წარმოდგენილია აშშ – ის, სამხრეთ ამერიკის ქვეყნების, ესპანეთის, ინდოეთისა და ისრაელის ბაზრებზე.

ENER-T – ში განიხილავენ საქართველო 100 მგვტ და მეტი სიმძლავრის მზის ენერგიაზე მომუშავე ელექტროსადგურის მშენებლობას და აღნიშნავენ, რომ ასეთი მასშტაბური პროექტების განხორციელება ეკონომიკურად მომგებიანი იქნება. კორპორაციაში მიესალმებიან საქართველოს მთავრობის გადაწყვეტილებას, მოახდინონ მეტი დივერსიფიკაცია ელექტროენერგიის მიწოდების მიმართულებით და უფრო მეტად განავითარონ საკუთარი ენერგეტიკული რესურსები.

შეხვედრაზე აღინიშნა, რომ ისრაელის კორპორაცია მზადაა, შეისწავლოს საქართველოში მზის ელექტროსადგურის მშენებლობის ტექნიკურ-ეკონომიკური მახასიათებლები. თავის მხრივ, ენერგეტიკის განვითარების ფონდი პოტენციურ ინვესტორებს აღმოუჩენს დახმარებას, რათა მზის ელექტროსადგურის პროექტი წარმატებით განვითარდეს.

სტატიის ბმული

გააზიარე 👇

spot_img
Fortunahttp://www.fortuna.ge
რადიო ჰოლდინგ ”ფორტუნას” საინფორმაციო სამსახური წლების მანძილზე ინარჩუნებს სანდოობის მაღალ მაჩვენებელს საინფორმაციო სივრცესა და მსმენელთა შორის. ყოველდღიურად ჩვენი გუნდი წარმოგიდგენთ უახლეს, ოპერატიულ და ექსკლუზიურ ინფორმაციას.
spot_img

ახალი სტატიები

ბიზნეს სიახლეები